نیشنل اسٹیڈیم میں میچ ہونے پرخوش ہوں، کراچی اس کا حقدار ہے، اسد عمر

اسلام آباد(جسارت نیوز)پاکستان تحریک انصاف کے رہنما اسد عمر کا کہنا ہے کہ 10سال بعد پاکستان میں انٹرنیشنل کرکٹ کی واپسی ہوئی ہے، امید ہے بارش مداخلت نہیں کرے گی۔اسد عمر نے مزید کہا کہ نیشنل اسٹیڈیم میں میچ ہونے پرخوش ہوں، کراچی اس کا حقدار ہے۔پاکستان اور سری لنکا کے درمیان سیریز کا دوسرا ون ڈے میچ گزشتہ روز نیشنل اسٹیڈیم میں کھیلا گیا، شائقین کرکٹ نے پہلے میچ کے ٹکٹ بھی استعمال کیے۔یاد رہے کہ 27ستمبر کو پاکستان اور سری لنکا کے درمیان پہلا ایک روزہ میچ نیشنل اسٹیڈیم کراچی میں دوپہر تین بجے شروع ہونا تھا جبکہ ٹاس کا وقت ڈھائی بجے تھا تاہم تیز بارش کی وجہ سے ٹاس بھی نہ ہوسکا تھا۔