ہنگو (صباح نیوز) ہنگو زرگیری میں مسافر گاڑی پر فائرنگ کے مرکزی ملزم سمیت7 افراد کو گرفتار کرلیا گیا جبکہواقعے میںجاں بحق 6 افراد کی تدفین کردی گئی ۔ ہنگو پولیس کے مطابق ہفتے کو دیرینہ دشمنی کی آڑ میں زرگری کے قریب مسافر فلائنگ کوچ پر مسلح افراد نے اندھا دھند فائرنگ کی تھی‘ اس دلخراش واقعے میں خاتون سمیت 6 افراد جاں بحق اور 4 زخمی ہو گئے تھے ۔ مرکزی ملزم رب نواز کو پشاور کے ہوٹل سے پولیس نے گرفتار کر لیا جبکہ 6 ملزمان زرگری سے گرفتار کیے گئے۔دوسری طرف جاں بحق 6 افراد کی اپنے اپنے علاقوں میں نماز جنازہ کی ادائیگی کے بعد تدفین کردی گئی۔
