لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے سنگین نوعیت کے مقدمات میں روپوش اور مطلوب 16 ملزمان کو گرفتار کرکے منشیات، نقدی اور موبائل فون برآمد کرکے مقدمات درج کرلیے ہیں۔ علی گوہر آباد پولیس نے دوران چیکنگ متعدد مقدمات میں چالان ہونے والے ملزم معروف جتوئی کو 3 کلو چرس سمیت، سچل پولیس نے دوران چیکنگ سنگین نوعیت کے مقدمے میں مطلوب ملزم زاہد عرف گوگڑو جونیجو کو چرس سمیت، حیدری پولیس نے عاقل روڈ سے ملزم ذیشان سندیلو کو چرس سمیت، اللہ آباد پولیس نے ملزم علی رضا سیال کو چرس سمیت، مارکیٹ پولیس نے ملزم موسی شیخ کو چرس سمیت، گڑہی خدابخش بھٹو پولیس نے سنگین نوعیت کے مقدمے میں روپوش ملزم کریم بخش جلبانی کو جبکہ دڑی پولیس نے مطلوب ملزم اکرم اللہ سومرو کو گرفتار کرلیا ہے، دوسری جانب حیدری پولیس نے لْہر کالونی میں جوا کے اڈے پر چھاپہ ماکر اختیار، شعیب، اشفاق سمیت 9 جواریوں کو گرفتار کرکے نقدی اور موبا?ل فونز برآمد کرکے مقدمہ درج کرلیا ہے۔
