ایبٹ آباد (جسارت نیوز) ڈویژنل تائیکوانڈو چیمپئن شپ ایبٹ آباد تائیکوانڈو کلب نے جیت لی ہے، مانسہرہ نے دوسری پوزیشن حاصل کی۔ مہمان خصوصی سابق ڈائریکٹر اسپورٹس طارق محمود اور پرنسپل اے پی ایس سید وقار علی نے ٹرافیاں، میڈلز اور کیش پرائزز تقسیم کئے۔ ایبٹ آباد پبلک سکول اینڈ کالج میں کھیلے جانے والی ڈویژنل تائیکوانڈو چیمپئن شپ میں 54 کلو گرام میں ایبٹ آباد کے مدثر نے گولڈ، ایبٹ آباد کے انیس نے سلور، مانسہرہ کے راشد نے برائونز میڈل حاصل کیا، 58 کلوگرام کیٹگری میں ایبٹ آباد کے محمد اﷲ نے پہلی مانسہرہ کے شاہ میر نے دوسری، مانسہرہ ہی کے محمد دین نے تیسری اور اے پی ایس کے حماد نے چوتھی پوزیشن حاصل کی۔ مائنس 63 کے جی کیٹگری میں ایبٹ آباد کے محمد حمید نے گولڈ، اوگی کے محمد سرور خان نے سلور اور اوگی ہی کے گل بہادر نے برائونز میڈل حا صل کیا، مائنس 68 کے جی میں فور اسٹار کے عثمان نے گولڈ، فور سٹار ہی کے شاہ حسین نے سلور، اے پی ایس کے ثمرن اور محسن مصطفیٰ نے برائونز میڈل لیا۔ مائنس 80 کے جی میں فور اسٹار کے احمد دین نے گولڈ، ایبٹ آباد کلب کے سردار حامد نے سلور جبکہ مانسہرہ کے احمد وہاب نے برائونز میڈل حاصل کیا، مائنس87 میں ایبٹ آباد کے مہر علی نے گولڈ، مانسہرہ کے سعد نے سلور، فور اسٹار کے عمر اعوان نے برائونز میڈل لیا۔
