اسلام آباد(جسارت نیوز)پاکستان اسکواش فیڈریشن کے زیراہتمام قومی جونیئر انفرادی اسکواش چیمپئن شپ مصحف اسکواش کمپلیکس میں شروع ہو گئی۔ پاکستان اسکواش فیڈریشن کے سیکرٹری جنرل گروپ کیپٹن طاہر سلطان نے بتایاکہ چیمپئن شپ میں تین مختلف کیٹگریز کے مقابلے منعقد ہونگے جن میں بوائز انڈر۔17، بوائز انڈر۔19 اور گرلز انڈر۔19 کے مقابلے شامل ہیں۔ چیمپئن شپ 23 ستمبر تک جاری رہے گی اور چیمپئن شپ کے اختتام پر کامیابی حاصل کرنے والے کھلاڑیوں میں انعامات تقسیم کیے جائیں گے۔ چیمپئن شپ میں تین لاکھ کی انعامی رقم رکھی گئی ہے۔
