دیپالپور (اے پی پی) دیپالپور میں قصور ملتان روڈ پر قلعہ سوندھا سنگھ کے قریب گوجوانولہ سے پاکپتن عرس بابا فرید پر زائرین کو لے کر جانے والی تیز رفتار بس بے قابو ہو کر الٹ گئی، حادثے کے نتیجے میں چالیس مسافر شدید زخمی ہو گئے جن میں خواتین اور بچے بھی شامل ہیں۔ واقعہ کی اطلاع پر ریسکیو کی امدادی ٹیمیں جائے حادثہ پر پہنچ گئیں، زخمیوں کو ٹی ایچ کیو ہسپتال منتقل کیا گیا۔ ٹی ایچ کیو ہسپتال دیپالپور میں ہنگامی صورتحال کے پیش نظر ایمر جنسی نافذ کر دی گئی۔
