خضدار ( آن لائن) تحصیل نال میں نامعلوم مسلح افراد کی گھرپر اندھادھند فائرنگ سے خاتون سمیت 3 افراد جاں بحق ۔ لیویز ذرائع کے مطابق گزشتہ روز خضدار کے تحصیل نال کے علاقہ گروک ختیچک کے مقام پرنامعلوم مسلح افراد نے گھرپرفائرنگ کردی جس کے نتیجے میں خاتون سمیت 3افراد محبوب علی ،دریاخان اور اسکی اہلیہ جاں بحق ہوگئے مقتولین کو نال اسپتال منتقل کیا گیا نعشوں کو ضروری کارروائی کے بعد ورثا کے حوالے کردیا گیا ڈپٹی کمشنر خضدار ریٹائرڈ میجر محمد الیاس کبزئی کی ہدایت پر نال لیویز نے ملزمان کے گرفتاری کے لیے ٹیمیں تشکیل دے کر علاقے کی ناکہ بندی کرکے ملزمان کی تلاش شروع کردی گئی ہے۔ نال لیویز کے مطابق واقع پرانی دشمنی کا شاخسانہ ہے واقع سے متعلق مزید تحقیقات شروع کردی گئی ہیں۔
