کو ئٹہ(نمائندہ جسارت)بلوچستان کے ضلع پشین میں ٹریفک کے مختلف حادثات کے نتیجے میں 2سگی بہنوں اور2بچوںسمیت 6افراد جاں بحق ہوگئے ہیں۔ جمعہ کے سہ پہر بوستان میں نیلئی کے قریب مسافر ویگن میں سوار دو سگی بہنیں بی بی زرغونہ اور بی بی نیازی دختران عبدالرحمن ویگن سے اتر کر روڈ کراس کررہے تھے کہ اچانک مخالف سمت سے آنیوالی گاڑی کی ٹکر سے دونوں بہنیں موقع پر جاں بحق ہوگیں۔ جاں بحق بچیوں کی عمریں بارہ اور چھے سال ہے۔لاشوں کو اسپتال منتقل کرنے کے بعد ورثا کے حوالے کردی گئی۔ وہی پشین کے علاقے بندخوشدل خان کے قریب بالاوڑی کے مقام پر گاڑی اور موٹرسائیکل زور دار تصادم ہوا جس کے نتیجے میں موٹرسائیکل پر سوار چار افراد موقع پر ہی جاں بحق ہوگئے جاں بحق ہونیوالوں میں دو بچے بھی شامل ہیں جاں بحق ہونیوالوں کی شناخت انتالیس سالہ فیض اللہ ولد نجب الدین ،بیالیس سالہ حیات اللہ ولد نجب الدین ،آٹھ سالہ مدثر خان ولد حیات اللہ اور دس سالہ مزمل ولد فیض اللہ کے ناموں سے ہوئی ہیں۔ لیویز فورس نے لاشوں کو قبضے میں لیکر سول اسپتال پشین منتقل کردیا جہاں ضروری کارروائی کے بعد لاشوں کو ورثا کے حوالے کردیا گیا۔
