حکومتی نااہلی سے پنجاب میں ڈینگی وائرس پھیل رہا ہے‘ مریم اورنگزیب

لاہور (آن لائن) مسلم لیگ (ن) کی ترجمان مریم اورنگزیب نے کہا ہے کہ حکومتی نااہلی سے پنجاب میں ڈینگی وائرس پھیل رہا ہے، مفت ٹیسٹ اور دوائیاں چھین کر عوام کو ڈینگی کے حوالے کردیا گیا ہے۔ پنجاب کے مختلف شہروں میں ڈینگی کے مریضوں کی تعداد میں اضافے پر ردعمل دیتے ہوئے مریم اورنگزیب کا کہنا تھا کہ روزگار، کاروبار اور مہنگائی کے سونامی کی تباہیاں حکومت کی بدانتظامی اور بری حکمرانی کے ثبوت ہیں، یہی حکومتی نااہلی اور بروقت اقدامات نہ ہونے سے ڈینگی کا مرض پھیل رہا ہے۔ مریم
اورنگزیب کا کہنا تھا کہ نالائق حکومت نے صحت کی سہولتوں، مفت ٹیسٹ اور دوائیاں چھین کر عوام کو ڈینگی کے حوالے کردیا ہے، شہباز شریف نے نا صرف پنجاب بلکہ خیبر پختونخوا سے بھی ڈینگی کا قلع قمع کیا تھا لیکن پنجاب میں بد انتظامی کا یہ حال ہے کہ ڈینگی کے ہزاروں مریض اسپتالوں میں پڑے ہیں اور وزیر اعلیٰ لاپتا ہیں۔
مریم اورنگزیب