کراچی(آن لائن) کراچی کے علاقے اسٹیل ٹاؤن کے فارم ہاؤس سے 7 مگر مچھ بھاگ نکلے، جس میں سے 5 مگر مچھوں کو پکڑ لیا گیا۔پولیس کے مطابق کراچی کے علاقے اسٹیل ٹاؤن میں فلٹر پلانٹ کے قریب قائم فارم ہاوس میں رکھے گئے مگرمچھوں میں سے 7 مگر مچھ بھاگ گئے۔ پولیس اور وائلڈ لائف نے 5 مگر مچھوں کو پکڑ لیا۔اہل کاروں کا کہنا ہے کہ مزید 2 مگر مچھوں کی تلاش جاری ہے۔ مگر
مچھ فارم ہاؤس کی دیوار گرنے کے باعث بھاگے۔انتظامیہ کے مطابق فارم ہاوس کی دیوار جمعہ کی صبح گری، جو حالیہ بارشوں سے متاثر تھی۔ دیگر 2 مگر مچھوں کو پکڑنے کیلیے مقامی انتظامیہ ، پولیس اور متعلقہ ادارے تلاش میں لگے ہوئے ہیں۔
مگرمچھ بھاگ گئے
