ڈیرہ اسماعیل خان (اے پی پی) آئی جی ایف سی (سائوتھ) میجر جنرل اظہر اقبال عباسی کی معاونت سے حق نواز پارک میں اکھاڑے کے اوپر شیڈ بنانے کا کام مکمل کرلیا گیاجس کا باقاعدہ افتتاح سٹیشن کمانڈر بریگیڈیر رائو عمران سرتاج نے کیا۔حق نواز پارک میں موجود تاریخی و مرکزی ریسلنگ کلب (اکھاڑہ کشتی) 1983ء میں قائم کیاگیا تھا، جس کو جدید سہولیات سے آراستہ کرنے کے لئے آئی جی ایف سی سائوتھ کی جانب سے اس کے اوپر شیڈ کی تعمیر کا کام مکمل کیاگیا ہے۔ قبل ازیں جنید خان سابق ڈائریکٹر جنرل سپورٹس بورڈ کے پی کے کی جانب سے پہلے ہی جدید ریسلنگ میٹ فراہم کیا گیا۔ پاک فوج کی جانب سے تعمیر شدہ شیڈ کا افتتاح سٹیشن کمانڈر بریگیڈئیر رائو عمران سرتاج نے کیا۔
