محکمہ موسمیات نے کراچی سمیت صوبے کے دیگر شہروں میں ایک بار پھر ہلکی اور تیز بارش کی پیش گوئی کردی۔
محکمہ موسمیات کے مطابق کراچی سمیت ٹھٹھہ اور بدین کے جنوبی علاقوں میں 15 اور 16 اگست کو ہلکی بارش کا امکان ہے۔ جبکہ تھر، عمر کوٹ اور سانگھڑ میں گرج چمک کے ساتھ تیز بارش اور کہیں معتدل بارش کا امکان ہے۔
ترجمان محکمہ موسمیات کا کہنا ہے کہ ہوا کا دباؤ مشرقی اور اس سے متصل وسطی بھارت کے قریب موجود ہے۔
ترجمان کا مزید کہنا ہے کہ سسٹم کے زیراثر 15 اور 16 اگست کے درمیان بارش کا امکان ہے۔
