گھوٹکی(آئی این پی) سانکہ پھاٹک کے قریب ٹرین نے کار کو کچل ڈالا جس کے نتیجے میں خاتون اور بچوں سمیت 4 افراد جاں بحق ہو گئے۔ریلوے کے مطابق تحصیل ڈہرکی میں سانکہ پھاٹک کے قریب کار ٹرین کی زد میں آگئی جس کے نتیجے میں خاتون اور 2 بچوں سمیت 4 افراد موقع پر جاں بحق ہو گئے۔حادثے میں جاں بحق ہونے والوں کی لاشیں تحصیل اسپتال ڈہرکی منتقل کر دی گئی ہیں۔ ذرائع کے مطابق کار کو حادثہ پھاٹک نہ ہونے کے باعث پیش آیا جب کہ ریلوے حکام نے کہا کہ اس حوالے سے تحقیقات کا آغاز کر دیا گیا ہے۔
