کو ئٹہ(نمائندہ جسارت)کوئٹہ میں فائرنگ کے ایک واقعہ میں ایک شخص ہلاک اور 3 زخمی ہو گئے ۔پولیس کے مطابق فائرنگ کا واقعہ سیٹلائٹ ٹاؤں کے علاقے نصیرآباد روڈ پر پیش آیا جہاں دو گروپوں کے درمیان فائرنگ ہوئی واقعہ میں ایک شخص ہلاک ہوگیا جس کی شناخت محمداسلم کے نام سے کر لی گئی جبکہ تین افراد حاجی حسین ،منگل خان اور پرویز زخمی ہو ئے ، ہلاک شنخص کی لاش اور زخمیوں کو سول اسپتال منتقل کر دیا گیا۔پولیس کے مطابق فائرنگ کی وجہ پرانی دشمنی ہے۔ پولیس مزید تحقیقات کر رہی ہے۔
