شیخوپورہ(آئی این پی)تیز رفتار رکشہ تیز رفتاری کے باعث بے قابو ہو کر الٹ گیا جس کے نتیجے 5 خواتین شدید زخمی ہو گئیں۔مسافروں سے بھرا رکشہ فاروق آباد سے شیخوپورہ کی طرف آ رہا تھا کہ راستے میں قصبہ جھامکے کے قریب تیز رفتاری کے باعث بے قابو ہو کر الٹ گیا جس کے نتیجے رکشے میں سوار 5 خواتین شدید زخمی ہو گئیں جنہیں اطلاع ملنے پر ریسکیو 1122 کی امدادی ٹیموں نے موقع پر پہنچ کر فسٹ ایڈ دینے کے بعد ڈسٹرکٹ ہیڈ کوارٹر ہسپتال منتقل کر دیا جہاں پر انہیں طبی امداد دی جا رہی ہے۔
