نوابشاہ، کراچی سے پنجاب جانے والا ہزاروں لیٹر تیل سے بھرا ٹینکر الٹ گیا

نوابشاہ (سٹی رپورٹر) نیشنل ہائی وے پر سکرنڈ کے قریب بیٹ نمبر 31 کی حدود میں ایک آئل ٹینکر (اٹک پیٹرولیم کمپنی) جس میں 55 ہزار لیٹر پیٹرول موجود ہے جو کراچی سے پنجاب جا رہا تھا کسی فنی خرابی کی وجہ سے روڈ کے سینٹرل ریزرویشن حصے میں الٹ گیا۔ اطلاع ملتے ہی ڈی ایس پی موٹر وے پولیس نوشاد علی شیخ اپنی ٹیم کے ہمراہ جائے وقوع پہنچے اور اپنی تحویل میں لے کر تمام حفاظتی امور عمل میں لائے گئے۔ تمام متعلقہ ادارے ڈسٹرکٹ پولیس، ایمبولینس سروس، فائر بریگیڈ سروس موجود رہیں۔ سیکٹر کمانڈر سجاد حسین بھٹی کی زیرنگرانی متعلقہ کمپنی کی مدد سے بحالی کے کام جاری۔