لاڑکانہ(نمائندہ جسارت) لاڑکانہ قنبر پولیس نے مبینہ پولیس مقابلے میں ایک ملزم کو گرفتار کرکے چانڈکا اسپتال کے شعبہ حادثات منتقل کردیا جہاں اسے طبی امداد دی گئی۔ اس سلسلے میں قنبر شہدادکوٹ ضلع تھانہ کے دوست علی پولیس نے بتایا کہ ملزم موٹرسائیکل چھیننے کے ارادے سے گائوں ملان چچا کے قریب اسلحہ سمیت کھڑا تھا خفیہ اطلاع پر کارروائی کرکے پولیس مقابلے میں ملزم غفار بلیدی جو گائوں مینہون کھائی کا رہائشی ہے زخمی حالت میں گرفتار کرکے اسلحہ بھی برآمد کرلیا گیا۔
