نوابشاہ (سٹی رپورٹر) مویشی منڈی میں تخریب کاری کی کوشش ناکام، مبینہ دہشت گرد گرفتار، ہینڈ گرنیڈ برآمد، دہشت گردی ایکٹ کے تحت مقدمہ درج۔ دوڑ میں لگنے والی موشی منڈی میں پولیس نے بم دھماکے کی کوشش ناکام بنا دی۔ خفیہ اطلا ع پر ایس ایچ او مقصود میمن نے مویشی منڈی میں پہنچ کر مبینہ ملز م اللہ داد واسونو کو گرفتار کرکے اس کے قبضے سے ایک ہینڈ گرنیڈ برآمد کرلیا، جسے بم ڈسپوزل اسکوڈ کے اہلکاروں نے موقع پر ناکارہ بنایا۔ ملزم گوٹھ چندی رام کا رہائشی بتایا جاتا ہے۔ جو کہ کالے شاپر میں ہینڈ گرنیڈ چھپا کر لایا تھا۔ پولیس نے ملزم کیخلاف تھانہ دوڑ پر دہشت گردی ایکٹ کے تحت بارودی مواد رکھنے کے الزام میں مقدمہ درج کرلیا ہے۔
