آرمی چیف جنرل راحیل شریف سے سعودی نائب وزیر دفاع نے ملاقات کی ہے جس میں باہمی دلچسپی کے اموراور سیکورٹی صورتحال پر تبادلہ خیال کیا گیا۔
آئی ایس پی آر کے مطابق پاک فوج کے سپہ سالار جنرل راحیل شریف سے سعودی نائب وزیردفاع محمد بن عبداللہ العیش نے جنرل ہیڈکوارٹر راولپنڈی میں ملاقات کی جس میں علاقائی سلامتی، خطے کی سیکیورٹی صورتحال، دفاعی تعاون اور دیگر امورپرتبادلہ خیال کیا گیا جب کہ ملاقات میں دونوں ممالک کی افواج کے درمیان تربیت اور دفاعی شعبے میں تعاون پر بات چیت کی گئی۔
