فیک نیوز سے نمٹنے کیلیے جامع لائحہ بنانا ضروری ہے، عطا تارڑ

ریاض (آن لائن) وفاقی وزیراطلاعات عطا اللہ تارڑ نے کہا ہے کہ فیک نیوز سے نبٹنے کیلیے عالمی سطح پر جامع لائحہ عمل مرتب کرنا ضروری ہے، عالمی سطح پر ایک ایسا ادارہ ہونا چاہیے جہاں مصنوعی ذہانت کے ذریعے حقائق کی جانچ کا نظام موجود ہو۔ ریاض میں سعودی میڈیا فورم 2025ء کے زیر اہتمام مباحثے میں اظہار خیال کرتے ہوئے انہوں نے کہا کہ غلط معلومات اور جھوٹی خبروں کے پھیلاؤ کو روکنے کیلیے ٹھوس اقدامات ناگزیر ہیں، فیک نیوز اور مس انفارمیشن سب سے بڑا خطرہ اور چیلنج ہیں۔