محراب پور (جسارت نیوز) جرم ثابت ہونے پر قید اور جرمانے کی سزا کا حکم، سول جج اینڈ جوڈیشل مجسٹریٹ درجہ اول مورو کی عدالت کے جج مدد علی کھوسو نے جھگڑے اور جانی نقصان کی دھمکیاں دینے کا جرم ثابت ہونے پر ملزم علی اکبر ملاح کو 3 سال اور اعجاز قمبرانی کو 2 سال قید اور 10، 10 ہزار جرمانے کی سزا کا حکم سنایا ہے، دونوں ملزم ضمانت پر تھے جنہیں ہتھکڑیاں لگا کر نوشہرو فیروز جیل بھیج دیا ہے۔ یاد رہے کہ یونس ملاح کی مدعیت میں کورائی تھانے پر جھگڑے اور دھمکیاں دینے کا مقدمہ سال 2023 میں درج کرایا گیا تھا۔
