کراچی ( اسٹاف رپورٹر )گودھرا محمدی انجمن نے 10 بیرئیر بنوائے ہیں جو مختلف پوائنٹس پر نصب کرنے کا مطالبہ کر دیا ۔ تفصیلات کے مطابق ایس ایس پی سینٹرل ذیشان شفیق صدیقی نے گودھرا محمدی انجمن کا دورہ کیا ، جہاں گودھرا محمدی انجمن کے عہدیداروں سے ضلع وسطی میں امن و امان کی صورتحال کے بارے میں تفصیلی تبادلہ خیال کیا۔ کمیونٹی پولیسنگ کی کوششوں کے فروغ کیلئے، گودھرا محمدی انجمن نے 10 بیرئیر بنوائے ہیں جو مختلف پوائنٹس پر نصب کیے جائیں گے عہدیداران نے ایس ایس پی ڈسٹرکٹ سینٹرل ذیشان شفیق صدیقی کو بیرئیر کا معائنہ کروایا۔
