شرح سود میں کمی کے باوجود پاکستان اسٹاک ایکسچینج (پی ایس ایکس) میں آج کاروبار کا دن منفی رہا، جہاں 100 انڈیکس میں 1489 پوائنٹس کی بڑی گراوٹ دیکھنے کو ملی۔
پی ایس ایکس کے بینچ مارک 100 انڈیکس کاروبار کے اختتام پر 1489 پوائنٹس کی کمی کے ساتھ ایک لاکھ 12 ہزار 30 پوائنٹس پر بند ہوا۔
کاروباری دن کے دوران 100 انڈیکس 2209 پوائنٹس کے بینڈ میں اتار چڑھاؤ کا شکار رہا۔
حصص بازار میں آج 51 کروڑ 78 لاکھ شیئرز کے سودے ہوئے، جن کی مجموعی مالیت 29 ارب 20 کروڑ روپے رہی۔
دوسری جانب، مارکیٹ کیپٹلائزیشن میں 158 ارب روپے کی کمی ہوئی اور یہ 13 ہزار 770 ارب روپے تک محدود ہوگئی۔
