حیدرآباد(اسٹاف رپورٹر)ایپکا سندھ امن گروپ کے صوبائی صدر انور میمن۔ سنئیر نائب صدر غلام نبی سولنگی۔نائب صدر شاہد قبولیو۔شمشیر پالاری اور دیگر نے بورڈ آف ریونیو سیکرٹریٹ حیدرآباد کے ملازمین کے وفد سے ملاقات کرتے ہوئے کہا کہ بورڈ آف ریونیو کے چھوٹے گریڈ کے تعلیم یافتہ ملازمین نائب قاصد،چوکیدار اور ڈرائیور کو پروموشن دیکر جونیئر کلرک بنانے کا عمل گزشتہ 8سال سے انتظامیہ نے بلا جواز بند کر رکھا ہے۔اور نہ ہی تعلیم یافتہ چھوٹے گریڈ کی ابھی تک2025 کی سینارٹی لسٹ نمایاں کی گئی۔ چھوٹے ملازمین پر ترقی کے دروازے بند کرنا بورڈ آف ریونیو انتظامیہ کی کارکردگی بیان کر رہے ہیں۔سندھ حکومت ملازمین کے پروموشن کے تاخیر پر آن لائن پروموشن سسٹم متعارف کرائے تاکہ بورڈ آف ریونیو سمیت کسی بھی سرکاری محکمے کے ملازمین کیساتھ ترقی دینے پر کوئی ناانصافی نہ ہو پائے، پہلے ان پڑھ اور تعلیم یافتہ ملازمین کی سینارٹی مشترکہ تھی اب غیر تعلیم یافتہ چھوٹے ملازمین کو ٹائم اسکیل مل چکا ہے پر تعلیم یافتہ ملازمین کو جونیئر کلرک کی ترقی دینے کا سلسلہ بورڈ آف ریونیو انتظامیہ نے شروع نہیں کیا ہے اور نہہی ریونیو الا¶نس کی سمری کئی برس سے منظور کی جارہی ہے اس روز بڑھتی ہوئی طوفانی مہنگائی میں ریونیو ملازمین کا تنخواہ میں گزارہ مشکل بنا ہوا ہے اور سپرہائی وے ٹول پلازہ پر 25سال سے بورڈ آف ریونیو کے ملازمین کی رہائشی اسکیم ریونیو سٹی جامشورو کی الاٹمنٹ بند ہونے سے اراضی آج تک ویران پڑی ہے۔
