کراچی ( اسٹاف رپورٹر)جماعت اسلامی ضلع قائدین کے قائم مقام امیر ظہور جدون نے کہا ہے کہ جماعت اسلامی اقامت دین کی تحریک ہے ، دعوتی سرگرمیوں کو بھر پور انداز میں جاری رکھا جائے ، وہ جماعت اسلامی ضلع قائدین کے اجتماع ناظمین سے خطاب کر رہے تھے ،جناح ٹاؤن اور چنیسر ٹاؤن کے مشترکہ یو سی اجتماعی ناظمین میں قائم مقام امیر ضلع ظہور احمد جدون،نائب امیر ضلع ولید احمد اور تمام یو سیز کے ناظمین موجود تھے، اجلاس میں ماہانہ جائزہ لیا گیا،بیت المال کی رپورٹ بھی نگران بیت المال علی محنتی نے پیش کی، قائم مقام امیر ضلع ظہور احمد جدون نے بھرپور انداز سے دعوتی کام کرنے اور عوام سے رابطے کے حوالے سے گفتگو کی۔
