اسلام آباد (آن لائن) وزیراعظم شہباز شریف نے وفاقی کابینہ کا اجلاس آج منگل کو طلب کر لیا ہے۔ وفاقی کابینہ اجلاس میں ملک کی مجموعی معاشی ، سیاسی صورتحال کا جائزہ لیا جائے گا۔ ذرائع کے مطابق اجلاس میں حکومت اور تحریک انصاف کے درمیان مذاکرات کے تیسرے دور سے متعلق بھی مشاورت ہوگی۔ کابینہ کمیٹی برائے قانون سازی اور رابطہ کمیٹی کے فیصلوں کی بھی توثیق کی جائے گی ۔حکومتی اخراجات میں کمی کے اقدامات پر پیش رفت کا جائزہ لیا جائے گا۔
