سعودی دارالحکومت ریاض میں پاک یونائیٹڈ میڈیا فورم کے سالانہ انتخابات 2025 کے حوالے سے حلف وفاداری کی تقریب منعقد کی گئی۔ جس میں فورم کےعہدیداران اور کمیونٹی اکابرین نے شرکت کی۔ ریاض سے عابد شمعون چاند کے مطابق پاک یونائیٹڈ میڈیا فورم کے انتخابات برائے 2025 کیلئے نومنتخب عہدیداروں میں مرکزی چیئرمین عابد شمعون چاند ، وائس چیئرمین مرزا ریاض بیگ ، مرکزی صدر ارشد علی غوری ، سینئیر نائب صدر ملک ناظم علی ، مرکزی جنرل سیکرٹری راجہ نوید الرحمن ، ڈپٹی جنرل سیکرٹری محمد ذیشان ، مرکزی انفارمیشن سیکرٹری ملک عرفان علی ، مرکزی جوائنٹ سیکرٹری محمد زبیر جٹ ، معاون خصوصی محمد بلال ریاض ، جبکہ افتخار احمد دین کو صدر شرقیہ ریجن ، قاسم خان کو انفارمیشن سیکرٹری شرقیہ ریجن ، جبکہ مرکزی سینئر ایگزیکٹیو ممبر راجہ عابد عزیز اورجام اظہر محمود کو منتخب کیا گیا ہے۔ خوشی کے اس موقع پر پاکستانی کمیونٹی نے پاک یونائیٹڈ میڈیا فورم کے نومنتخب عہدیداران کو مبارکباد دیتے ہوئے ان کی صحافتی خدمات کو سراہا اور نیک خواہشات کا اظہار کیا۔ اس موقع پرتقریب کے مہمان خصوصی معروف سماجی شخصیت ملک راشد پرویز اعوان نے نئے عہدیداران کو مبارکباد دیتے ہوئے کہا کہ پاک یونائیٹڈ میڈیا فورم کی پوری ٹیم جس لگن ، محنت ، ایمانداری اور حب الوطنی کے ساتھ دیارغیر میں پاکستانی کمیونٹی کی بے لوث صحافتی خدمت کر رہی ہے وہ ناقابل فراموش ہے۔ مثبت صحافت معاشرے کی تعمیر و ترقی میں اہم کردار ادا کرتی ہے موٹیوشنل سپیکرمعروف سماجی شخصیت ارشد محمود تبسم نے مثالی صحافتی خدمات پر پاک یونائیٹڈ میڈیا فورم کی پوری ٹیم کو خراج تحسین پیش کرتے ہوئے کہا کہ پاکیونائیٹڈ میڈیا فورم خدمت ، محبت اور عظمت کا روشن باب ہے اس کے تمام عہدیداران اپنی بے باک صحافت اور قلم کی پاسداری کرتے ہوئے پاکستان کا وقار بلند کر رہے ہیں پاک یونائیٹڈ میڈیا فورم کے نومنتخب عہدیداران نے خطاب کرتے ہوئے کہا کہ ہم پاکستان کا وقار بلند رکھنے کیلئے مثبت اورغیرجانبدارصحافت کو پروان چڑھانے کے ساتھ ساتھ پاکستانی کمیونٹی کی بے لوث صحافتی خدمات میں پیش پیش رہیں گے۔
