قرآن وسنت کی بالادستی میں ہی امت مسلمہ کی ترقی کا راز ہے‘سنی تحریک

کراچی(اسٹاف رپورٹر)سربراہ پاکستان سنی تحریک محمدشاداب رضا نقشبندی نے اپنے بیان میں کہا ہے کہ قرآن وسنت کی بالادستی میں ہی امت مسلمہ کی ترقی کا راز پوشیدہ ہے،پوری دنیا کے مسلمانوں پر مصائب وآلام کی اہم وجہ محمد مصطفی ﷺ کی تعلیمات سے دوری ہے،یہود ونصاریٰ امت مسلمہ کو کو آپس میں لڑا کر مسلم ممالک کے وسائل پر قبضہ کرنا چاہتے ہیں۔ پاکستان کی اساس لاالہ الااللہ محمد رسول اللہ ہے۔ دو قومی نظریہ کے مخالف یہودو ہنود کے ایجنٹ پاکستان کو دہشت گردی کی آگ میں جھونک کر پاکستان کو نقصان پہنچانا چاہتے ہیں۔