وزیردفاع سے برطانوی ہائیکمشنر جین میریٹ کی ملاقات

راولپنڈی(آن لائن)برطانوی ہائی کمشنر جین میریٹ نے وزیر دفاع، دفاعی پیداوار اور ہوابازی خواجہ محمد آصف سے ملاقات کی۔ ملاقات میں دونوں رہنمائوں نے دونوں ممالک کے جاری تعاون پر اطمینان کا اظہارکرتے ہوئے تعلقات کو مزید مضبوط بنانے پر اتفاق کیا۔وزیر
دفاع نے کہا کہ پاکستان برطانیہ کے ساتھ اپنے تعلقات کو بہت اہمیت دیتا ہے کیونکہ پاک برطانیہ تعلقات عالمی امن اور سلامتی کے مشترکہ مقاصد سے جڑے ہوتے ہیں۔ مزید برآں، برطانیہ میں مقیم پاکستانیوں کی بہت بڑی تعداد دونوں ممالک کے درمیان ایک پُل کا کام کرتی ہے۔ وزیر دفاع نے کہا کہ دونوں ممالک کے درمیان قائم فورمز کے ذریعے مسلسل دفاعی تعاون کے نتیجے میںدفاعی تعاون کے شعبے میںٹھوس پیش رفت ہوگی۔