راولپنڈی(صباح نیوز) سربراہ عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ نیا سال سب کے لیے مزید بھاری ہوگا، کوئی بہت بڑی تبدیلی نہیں آئے گی۔خصوصی عدالت کے باہر میڈیا سے گفتگو کرتے ہوئے شیخ رشید نے کہا کہ بڑوں سے اپیل کرتا ہوں کہ غریبوں کو معاف کر دیں غریبوں کے حالات بڑے خراب ہیں، باقی یہ جوڈیشل کمیشن نہیں بنائیں گے فیصلہ تو کسی اور نے کرنا ہے، یہ تو ویسے ہی جمہ جنج کے ساتھ ہے، نئے سال میں کوئی تبدیلی نہیں آئے گی، قبر ایک ہے اور مردے2 نہیں بلکہ3 ہیں۔ سابق وفاقی وزیر کا کہنا تھا کہ پیپلز پارٹی کی کوئی بات نہیں ہے، ان کی کوئی سن ہی نہیں رہا، جو لوگ جیل میں ملاقات نہیں کرا سکتے، وہ مذاکرات کا کیا نتیجہ نکالیں گے۔
