اسرائیلی فوج کے غزہ میں پناہ گزین کیمپوں اور اسپتالوں پر 14 ماہ سے زائد عرصے کے بعد بھی حملے جاری ہیں، تازہ ترین اسرائیلی حملوں میں مزید 5 فلسطینی شہید ہو گئے۔
غیر ملکی میڈیا کے مطابق صیہونی فوج کی جانب سے غزہ کے کمال عدوان اسپتال پر کی گئی بم باری کے نتیجے میں 5 فلسطینی شہید جبکہ متعدد زخمی ہو گئے ہیں۔
غیر ملکی میڈیا کے مطابق کمال عدوان اسپتال کے ڈائریکٹر حسام ابو صفیہ نے کہا ہے کہ اسرائیلی فضائی حملے میں طبی عملے کے اہلکار شہید ہوئے ہیں، شہید ہونے والوں میں ایک ڈاکٹر بھی شامل ہے۔
7 اکتوبر 2023 کے بعد سے اسرائیلی حملوں میں اب تک شہید فلسطینیوں کی مجموعی تعداد 45 ہزار 399 سے تجاوز کر گئی ہے جن میں بچوں اور خواتین کی بڑی تعداد شامل ہیں۔
غزہ وزارت صحت کے مطابق غزہ میں اسرائیلی حملوں کے باعث زخمیوں کی تعداد 107940 سے تجاوز کر گئی ہے ۔
