عالمی اور مقامی مارکیٹوں میں سونے کی قیمت میں اضافہ

کراچی(کامرس ڈیسک)سونے کی عالمی اور مقامی مارکیٹوں میں قیمت میں اضافہ ہوگیا۔بین الاقوامی بلین مارکیٹ میں فی اونس سونے کی قیمت 14ڈالر کے اضافے سے 2628ڈالر کی سطح پر آ گئی۔دوسری جانب مقامی صرافہ مارکیٹوں میں بھی جمعرات کو 24 قیراط کے حامل فی تولہ سونے کی قیمت 1400روپے کے اضافے سے 274000 روپے اور فی 10 گرام سونے کی قیمت بھی 1200روپے کے اضافے سے 234911 روپے کی سطح پر آگئی۔