لاہور: وزیر اطلاعات پنجاب عظمیٰ بخاری نے کہا ہے کہ ملک کا مثبت تشخص اجاگر کرنے کیلئے کوشاں ہیں۔
عظمیٰ بخاری نے کہا کہ وزیراعلیٰ پنجاب دن رات محنت کر رہی ہیں، پنجاب میں کھیلوں کی سرگرمیوں کو فروغ دیا جا رہا ہے۔یہ بات انہو ں نے الحمرا ہال میں تقریب سے خطاب کرتے ہوئے کہی۔
صوبائی وزیر کا کہناتھاکہ کھیلوں کے میدان بحال ہو رہے ہیں، کہنے کو تو ایک کھلاڑی بھی آیا تھا جو ملک کے ساتھ کھیل کر چلا گیا۔
ان کا کہنا تھا کہ ثقافت کے فروغ کیلئے اقدامات کیے جار ہے ہیں۔
عظمیٰ بخاری نے مزیدکہا کہ پنجاب کو آگے لے جانے کیلئے وہ سب کچھ کریں گے جس کی ضرورت ہوگی، پنجاب ہر شعبے میں ترقی کرتا نظر آئے گا
ان کا کہنا تھاکہ قائداعظم کی زندگی ہمارے لیے مشعل راہ ہے۔
