کراچی: اعلیٰ ثانوی تعلیمی بورڈ کراچی نے انٹرمیڈیٹ حصہ اول سائنس پری میڈیکل، پری انجینئرنگ، سائنس جنرل، آرٹس پرائیویٹ، کامرس پرائیویٹ اور ہوم اکنامکس گروپس کے سالانہ امتحانات برائے 2024ء کے نتائج کا اعلان کردیا ہے۔
ناظم امتحانات کے مطابق سائنس پری میڈیکل گروپ کے امتحانات میں 31ہزار 267 امیدواروں نے رجسٹریشن حاصل کی، 30ہزار528 امیدوار امتحانات میں شریک ہوئے جس میں سے 10ہزار 914 امیدوار تمام 6پرچوں میں، 4ہزار 5امیدوار 5پرچوں میں، 3ہزار 429 چار پرچوں میں، 4ہزار 99 تین پرچوں میں، 3ہزار 598 دو پرچوں میں جب کہ 2ہزار 476 ایک پرچے میں کامیاب ہوئے۔
سائنس پری انجینئرنگ گروپ کے امتحانات میں 23ہزار 391 امیدواروں نے رجسٹریشن حاصل کی جبکہ 22ہزار 973 امیدوار امتحانات میں شریک ہوئے۔ان امتحانات میں 6 ہزار 674 امیدواروں نے تمام 6پرچوں میں، 2ہزار 715 پانچ پرچوں میں، 2ہزار 866 چار پرچوں میں، 3 ہزار 486 تین پرچوں میں، 2ہزار 831 دو پرچوں میں جبکہ 2ہزار 281 امیدوار ایک پرچے میں کامیاب قرار پائے۔
سائنس جنرل گروپ کے امتحانات میں 17ہزار 690 امیدوار رجسٹرڈ ہوئے جبکہ 17ہزار 375 امیدوار امتحانات میں شریک ہوئے۔ ان امتحانات میں 6 ہزار 282 امیدواروں نے تمام چھ پرچوں میں، 3ہزار 215 پانچ پرچوں میں، 3ہزار 225 چار پرچوں میں، 1ہزار 890 تین پرچوں میں، 1ہزار 340 دو پرچوں میں جبکہ 881امیدوار ایک پرچے میں کامیاب ہوئے۔
آرٹس پرائیویٹ گروپ کے امتحانات میں 2ہزار 268 امیدواروں نے رجسٹریشن حاصل کی جبکہ 2ہزار 80امیدوار امتحانات میں شریک ہوئے۔ ان امتحانات میں 552 امیدوار تمام چھ پرچوں میں، 402امیدوار پانچ پرچوں میں، 353 چار پرچوں میں، 262 تین پرچوں میں، 192 دو پرچوں میں جبکہ 189امیدوار ایک پرچے میں کامیاب ہوئے۔
کامرس پرائیویٹ گروپ کے امتحانات میں 1ہزار 651امیدواررجسٹرڈ ہوئے، 1ہزار 570 امیدوار امتحانات میں شریک ہوئے جس میں سے 490 امیدوار تمام سات پرچوں میں، 337 چھ پرچوں میں، 218 پانچ پرچوں میں، 144 چار پرچوں میں، 142 تین پرچوں میں، 92دو پرچوں میں جبکہ 96امیدوار ایک پرچے میں کامیاب قرار پائے۔
ہوم اکنامکس گروپ کے امتحانات میں 194امیدواررجسٹرڈ ہوئے، 190امیدوار امتحانات میں شریک ہوئے جس میں سے 75امیدوار تمام سات پرچوں میں، 41 چھ پرچوں میں، 21 پانچ پرچوں میں، 13 چار پرچوں میں، 11تین پرچوں میں، 10 دو پرچوں میں اور 9امیدوار ایک پرچے میں کامیاب ہوئے۔
