کراچی(اسٹاف رپورٹر) ینگ لیڈرز کانفرنس 2024 کا دوسرا دن، جو کہ انگلش بسکٹ مینوفیکچررز ) ای بی ایم( کے تعاون سے منعقد ہو رہا ہے، “اختیار معاشرے پہ” کے موضوع پر انتہائی معلوماتی اور متاثر کن سیشنز کے ساتھ جاری رہا ای بی ایم گزشتہ 23 برسوں سے اس کانفرنس کا کلیدی شراکت دار ہے، اور یہ ادارہ نوجوانوں کو مستقبل کے لیے تیار کرنے میں اہم کردار ادا کر رہا ہے۔
دن کا آغاز وقار علی کے سیشن سے ہوا، جس میں شرکاء کو قیادت کے لیے اجتماعی سوچ اور ہم آہنگی کی اہمیت سے روشناس کرایا گیا۔ اس کے بعد ڈاکٹر ظاہر گل نے “ترقیاتی قیادت کے اصول” پر گفتگو کرتے ہوئے اخلاقیات، سوچ اور مہارتوں کے بارے میں رہنمائی دی جو کہ سماجی ترقی کے لیے ضروری ہیں۔ کانفرنس کی خاص بات ایک پینل ڈسکشن تھی، جس میں نوجوان رہنماؤں سکندر بزنجو، ادریس قریشی اور ارحم اشتیاق نے اپنے کامیاب منصوبوں اور سماجی ترقی کے تجربات پر روشنی ڈالی۔
مزید برآں، ورلڈ کیفے آف سوشل انٹرپرائزز میں مؤثر منصوبے پیش کیے گئے جیسے دوچ، کوئٹہ بک کیفے، اور کنیکٹ ہیئر، جنہوں نے شرکاء کو تبادلہ خیال، نئے خیالات پر غور و فکر، اور اہم سماجی مسائل کے حل تلاش کرنے کے مواقع فراہم کیے۔ای بی ایم کی اسپانسر کردہ اسٹوری ٹیلنگ ایکٹیویٹی میں شرکاء نے اپنی زندگی کے وہ لمحات شیئر کیے جو ان کی کامیابی اور ترقی کا سبب بنے۔ دن بھر جاری مختلف سیشنز میں موسمیاتی تبدیلی، ذہنی صحت، نوجوانوں میں بے روزگاری اور تعلیم جیسے موضوعات زیر بحث رہے۔ ایک خصوصی سیشن میں بنگلہ دیش کے سولر مائیکرو گرڈ ماڈل پر تبادلہ خیال کیا گیا، جو پاکستان کے توانائی کے مسائل کے حل کے لیے اہم تجاویز فراہم کرتا ہے۔ ای بی ایم کی مسلسل سرپرستی اس بات کا ثبوت ہے کہ وہ نوجوان قیادت کو فروغ دینے اور معاشرتی ترقی کے لیے پرعزم ہے۔
دن کا اختتام علی حیدر کے تربیتی سیشن اور مووی نائٹ کے ساتھ ہوا، جس نے شرکاء کو اپنی کمیونٹیز میں مثبت تبدیلی لانے کے لیے مزید متحرک کیا۔ ینگ لیڈرز کانفرنس آئندہ دنوں میں بھی جاری رہے گی، جہاں نوجوانوں کو رہنمائی، قیادت کی تربیت اور عملی مواقع فراہم کیے جائیں گے تاکہ وہ پاکستان کے روشن مستقبل کے لیے اہم کردار ادا کر سکیں۔ خصوصی شکریہ انگلش بسکٹ مینوفیکچررز ) ای بی ایم (، نوفیا، جے، فیروز 1888، جے بی ایس، ڈی کے ٹی، سولف، دل سے سوچئے، یوتھ کونسل فار سسٹین ایبل ایکشنز، امواج، کارنیلین، ٹارک، نیوکلئیس، جنگ گروپ، الف، اپسٹیرز، ممنون، کارونگ پروڈکشن، کیٹلِسٹ کارپوریشن، اسپورٹس اینڈ یوتھ افیئرز ڈیپارٹمنٹ بلوچستان اور ڈریم ورلڈ ریزورٹ کا، جنہوں نے اس کانفرنس کو کامیاب بنانے میں بھرپور تعاون کیا۔
