کرائسٹ چرچ (اسپورٹس ڈیسک):نیوزی لینڈ کی ٹیم کرائسٹ چرچ میں کھیلے جارہے 3 میچوں کی سیریز کے ابتدائی ٹیسٹ میچ میں انگلینڈ کے خلاف اپنی پہلی اننگز میں 348 رنز بناکر آئوٹ ہوگئی ، برطانوی ٹیم نے جواب میں دوسرے روز کھیل ختم ہونے تک5 وکٹوں کے نقصان پر 319 رنز بنالئے اور اس کو کیوی اننگز کا سکور برابر کرنے کے لئے مزید 29رنز کی ضرورت ہے۔انگلینڈ کے ہیری بروک ناقابل شکست 132 اور کپتان بین اسٹوکس 37رنز کے ساتھ ناٹ آئوٹ ہیں۔ نیوزی لینڈ کی طرف سے نیتھن اسمتھ نے 2 جبکہ ٹم سائوتھی،میٹ ہنری اور ولیم اورورک نے ایک، ایک کھلاڑی کو آئوٹ کیا۔ گزشتہ روزہیگلے اوول،کرائسٹ چرچ کے مقام پر دونوں ٹیموں کے درمیان3 میچوں کی سیریز کا ابتدائی ٹیسٹ میچ کے دوسرے دن میزبان ٹیم نے اپنی پہلی ادھوری اننگز 319 رنز 8 کھلاڑی آئوٹ پر دوبارہ شروع کی توگلین فلپس 41 اور ٹم سائوتھی 10 رنز کے ساتھ ناٹ آئوٹ تھے۔ٹم سائوتھی 15 رنز بناکر آئوٹ ہوگئے، ول او رورک کیوی ٹیم کے آخری آئوٹ ہونے والے کھلاڑی تھے جو بغیر کوئی رن بنائے پویلین لوٹ گئے ۔گلین فلپس 58 رنز کے ساتھ ناٹ آئوٹ رہے۔کیوی ٹیم اپنی پہلی اننگز میں348 رنز بناکر آئوٹ ہوگئی ۔انگلینڈ کی طرف سے شعیب بشیر اور برائیڈن کارس نے 4،4جبکہ گس اٹکنسن نے 2 کھلاڑیوں کو آئوٹ کیا۔جواب میں انگلینڈ کی طرف سے زیک کرولی اور بین ڈکٹ نے اننگز کا آغاز مایوس کن انداز میں کیا جب اس کی 4 وکٹیں 71کے مجموعی اسکور پر گر گئی تھی۔ زیک کرولی صفر،جیکب بیتھل 10،جوروٹ صفر اور بین ڈکٹ 46 رنز بناکر پویلین لوٹ گئے۔اس کے بعد ہیری بروک اور اولی پاپ نے اپنی ٹیم کو سنبھالا دیا اور محتاط انداز میں بلے بازی کرتے ہوئے 5ویں وکٹ پر 151 رنز کی شراکت داری قائم کرتے ہوئے ٹیم کے مجموعی اسکور کو 222 رنزتک پہنچا دیا ،تاہم اس موقع پر اولی پاپ 77 رنز بناکر ٹم سائوتھی کی گیند پر گلین فلپس کے ہاتھوں کیچ آئوٹ ہوگئے۔ میچ کے دوسرے روز جب کھیل ختم ہوا تو انگلینڈ نے نیوزی لینڈ کی اننگز کے ا سکور 348 رنز کے جواب میں 5 وکٹوں کے نقصان پر 319 رنز بنالئے تھے اور اس کو کیوی اننگز کا ا سکور برابر کرنے کے لئے مزید 29 رنز کی ضرورت تھی ۔ہیری بروک 132 اور کپتان بین اسٹوکس 37 رنز کے ساتھ ناٹ آئوٹ تھے۔نیوزی لینڈ کی طرف سے نیتھن اسمتھ؎نے2 جبکہ ٹم سائوتھی، میٹ ہنری اور ولیم اورورک نے ایک، ایک کھلاڑی کو آئوٹ کیا۔ انگلینڈ نے پہلے ٹیسٹ میچ کی اپنی پہلی اننگز میں 5وکٹوں پر 319رنز بنالئے
