اسلام آباد (اسپورٹس ڈیسک) چیئرمین پاکستان کرکٹ بورڈ محسن نقوی نے زمبابوے کے خلاف ون ڈے سیریز جیتنے پر قومی ٹیم کو مبارکباد پیش کرتے ہوئے کہا ہے کہ کھلاڑیوں نے آخری و تیسرے ون ڈے میچ میں زمبابوے کو آئوٹ کلاس کیا اور سیریز اپنے نام کی۔ پیغام میں چیئرمین پی سی بی نے کامران غلام کو سنچری اسکور کرنے پر شاباش دی۔ ان کا کہنا ہے کہ بلاشبہ کامران غلام نے شاندار اننگز کھیلی اور پاکستان کی فتح کی بنیاد رکھی، پاکستانی بولرز نے عمدہ بولنگ کرکے جیت میں اہم کردار ادا کیا، کھلاڑی جذبے اور متحد ہو کر کھیلے اور کامیابی حاصل کی۔ واضح رہے کہ پاکستان نے زمبابوے کو 2-1 سے شکست دی۔ پہلا میچ زمبابوے نے جیتا دوسرا اور تیسرا میچ پاکستان کے نام رہا۔
