کراچی ( اسٹاف رپورٹر ) ایڈیشنل آئی جی کراچی جاوید عالم اوڈھو کی آٹو سپیئر پارٹس ایسوسی ایشن کے 11 رکنی وفد سے کراچی پولیس آفس میں ملاقات کی ۔ملاقات میں ایسوسی ایشن کے چیئر مین عرفان ، صدر رضوان، جنرل سیکٹری احسان و دیگر ممبران نے شرکت کی۔پولیس چیف سے ملاقات میں تاجروں نے شہر میں امن و امان کی صورتحال پر کیے گئے اقدامات پر اطمینان کا اظہار کیا۔وفد نے پارکنگ اور دیگر مسائل سے آگاہ کیا جس پر پولیس چیف نے ڈی ائی جی ٹریفک اور متعلقہ ایس ایس پی کو تاجروں کودرپیش مسائل کو ترجیحاتی بنیادوں پر حل کرنے کی ہدایات جاری کیں۔
