کراچی ( اسٹاف رپورٹر ) شہر بھر میں فینسی جعلی نمبر پلیٹس، پولیس فلیش لائٹس اور کالے شیشے والی گاڑیوں کے خلاف کاروائیوں میں تیزی آگئی ۔ ترجمان کراچی ٹریفک پولیس کا کہنا ہے کہ انسپکٹر جنرل آف سندھ پولیس غلام نبی میمن کے احکامات پر ڈی آئی جی ٹریفک کراچی احمد نواز کی سربراہی میں کراچی ٹریفک پولیس کی جانب سے شہر بھر میں فینسی جعلی نمبر پلیٹس، پولیس فلیش لائٹس اور کالے شیشے والی گاڑیوں کو حسب قانون ضبط کیا جارہا ہے اور ڈرائیور کے خلاف حسب قانون مقدمہ بھی درج کیا جارہا ہے۔ شہریوں سے التماس ہے کہ وہ اپنی گاڑیوں پر گورنمنٹ سے منظور شدہ نمبر پلیٹس کا استعمال کریں رنگین شیشوں کا استعمال اور پولیس فلیش لائٹس کا استعمال ہرگز نہ کریں۔
