ابوظبی (انٹرنیشنل ڈیسک) فلپائن کے صدر لینسی فرڈینینڈ مارکوس جونیئر نے امارات کے دورے کے دوران ہم منصب شیخ محمد بن زاید النہیان سے ملاقات کی۔ اماراتی صدر نے ابوظبی کے قصر الشاطی میں فلپائن کے صدر کا خیرمقدم کیا۔ ملاقات کے دوران دونوں رہنماؤں نے معیشت اور تجارت سمیت مختلف شعبوں میں تعاون بڑھانے اور مضبوط اقتصادی تعلقات کے عزم کا اظہار کیا۔ ذرائع ابلاغ کے مطابق رواں سال دونوں ممالک کے درمیان سفارتی تعلقات کے قیام کی پچاسویں سالگرہ ہے۔ ملاقات کے دوران دونوں ممالک کے مفاد کے لیے تعلقات کو مزید آگے بڑھانے کے لیے مشترکہ عزم کا اعادہ کیا گیا۔
