کراچی(اسٹاف رپورٹر) منگھو پیر سلطان آباد میں آوارہ کتوں نے بچوں پر حملہ کردیا ، جس کے نتیجے میں 5 بچے شدید زخمی ہوگئے۔تفصیلات کے مطابق کراچی منگھوپیر کے علاقے سلطانہ آباد میں کھیلتے ہوئے 5 بچوں پر آوارہ کتوں نے حملہ کردیا، کتوں کے حملے میں بچے شدید زخمی ہو گئے۔ذرائع نے بتایا کہ شدید زخمی بچوں کو فوری اسپتال منتقل کیا گیا جہاں ان کو فوری طبی امداد فراہم کی گئی۔ کتوں کے حملے میں زخمی ہونے والے بچوں کی عمریں 4 سے 6 سال کے درمیان ہیں تاہم بچوں کی حالت خطرے سے باہر ہے۔یاد رہے راہ چلتے شہریوں کے آوارہ کتوں کا نشانہ بننے کا سلسلہ جاری ہے ، گزشتہ ہفتے ملک بھر میں سات ہزار سے زاید شہری نشانہ بنے ہیں۔ ذرائع این آئی ایچ نے بتایا تھا کہ گذشتہ ہفتے ملک بھر سے 7090 سگ گزیدگی کیسز رپورٹ ہوئے ، اس دوران کراچی ایسٹ 13، سینٹر ل سے سگ گزیدگی کا 1 کیس ، کراچی ملیر سے سگ گزیدگی کے 47 کیس، کراچی ویسٹ میں 49 سگ گزیدگی کے کیسز رپورٹ ہوئے تاہم کیماڑی، کورنگی، ساوتھ سے گذشتہ ہفتے کتے کاٹے کیس رپورٹ نہیں ہوئے ہے۔
