کراچی( اسٹاف رپورٹر ) کورنگی نمبر 3 میں سفیان نامی نوجوان کے قتل میں ملوث ملزم کو گرفتار کر لیا گیا۔ایس ایس پی کورنگی کامران خان کا کہنا ہے کہ کورنگی نمبر 3 میں 18 نومبر کو فائرنگ سے نوجوان سفیان کے قتل کا واقعہ پیش آیا تھا، پولیس نے قتل کی واردات میں سہولت کاری کرنے والے ملزم کو گرفتار کرلیا۔ گرفتار ملزم کی شناخت نواز کے نام سے ہوئی، ملزم سے واردات میں استعمال ہونے والا اسلحہ برآمد کرلیا گیا ہے،گرفتار ملزم نواز مرکزی ملزم شاہزیب کا رشتے میں چاچا لگتا ہے۔
