کراچی ( اسٹاف رپورٹر ) شہر کے مختلف علاقوں میں حادثات وواقعات میں 7افراد جاںبحق ہوگئے دیگر واقعات میں3افراد زخمی ہوئے۔ تفصیلات کے مطابق سرجانی ٹاون تھانے کی حدود کنیز فاطمہ سوسائٹی ناصر گوٹھ میں جھگڑے کے دوران تیز دھا ر آلے کے وار سے 50سالہ عمر ولد جام شبیر کو قتل کر دیا گیا ۔ نیو کراچی بشیر چوک نزد علی کا باڑا کے قریب سے 50سالہ حفیظ الرحمن ولد فضل الرحمن کی لاش ملی۔لیاری چاکیواڑہ میں 4 روز قبل زہر یلی چیز کھانے سے35سالہ نوجوان عمران سول اسپتال میں دوران علاج دم توڑ گیا ۔ پاک کالونی تھانے کی حدود پرانا گولیمار گٹر باغیچے کے قریب کنویں میں گر کر مزدور 30سالہ حسین زادہ ولد عمر رحمن جاں بحق ہوگیا ۔قائد آباد کے علاقے لانڈھی شیر پاؤ کالونی آفریدی بس اسٹاپ کے قریب گھر سے 35 سالہ ابرار نامی نوجوان کی میں پھندا لگی لاش ملی۔حب چوکی نظر چورنگی عثمانیہ موڑ کے قریب کے قریب ٹریفک حادثہ میں ایک شخص جاں بحق ہوگیا۔سہراب بورڈکے علاقے الآصف جاتے ہوئے کراچی کوچ سروس کی بس سے گر کر 35 شخص جاںبحق ہوگیا۔ گلستان جوہر رابعہ سٹی رنگ کرتے ہو ئے مزدور 45سالہ کاشف بلڈنگ کی چھت سے گر شدید زخمی ہوگیا ۔ لانڈھی بھینس کالونی روڈ نمبر 5 مشین ٹول فیکٹری کے قریب فائرنگ 2 افراد زخمی ہوئے۔
