ٹنڈو آدم (نمائندہ جسارت) ٹاسک فورس انچارج محمد موسیٰ ابڑو کی ہدایات پر ایس ایچ او سٹی ٹنڈوآدم نیاز حسین کلہوڑو نے مخفی اطلاع پر کارروائی کرتے ہوئے 2 ملزمان سیف اللہ ولد عزیز اللہ بروہی اور میر حمزہ ولد فیض محمد بروہی کو گرفتار کرکے ان کے قبضے سے ایک عدد گاڈی کے اندر 34 عدد کٹے رائل کنگ گٹکا سپاری جس میں ہر کٹے کے اندر 50 پیکٹ ہر پیکٹ کے اندر 110 پڑی جملہ 187000 پڑی اور 1000 روپے کیش برآمد کرلی۔ پولیس نے دونوں ملزماں کے خلاف گناہ ایف آئی آر درج کرلی۔ دوسری جانب ایس ایچ او بی سیکشن ٹنڈوآدم سلام الدین سولنگی نے دورانِ گشت مخفی اطلاع پر کارروائی کرتے ہوئے 2 ملزمان محراب خاصخیلی 10 لیٹر دیسی شراب اور بالو کولھی کو 10 لیٹر دیسی شراب سمیت گرفتار کرلیا جبکہ ایک ملزم شفیع محمد لورڑ پولیس کو دیکھ کر 10 لیٹر دیسی شراب چھوڑ کر فرار ہونے میں کامیاب ہوگیا۔
