بیجنگ (انٹرنیشنل ڈیسک)چین کے صوبے ہنان میں ڈرائیور نے پرائمری اسکول کے باہر طلبہ اور راہ گیروں پر گاڑی چڑھا دی۔ چینی میڈیا کے مطابق واقعے میں کئی طلبہ اور راہگیر زخمی ہوئے جنہیں اسپتال منتقل کر دیا گیا ۔ ڈرائیور کو اسکول کے باہر موجود سیکورٹی گارڈ اور طلبہ کے والدین نے پکڑ کر پولیس کے حوالے کر دیا ،جس کے بعد واقعے سے متعلق تفتیش کا آغاز کر دیا گیا ۔ واقعے کے بعد جائے وقوع پر افرا تفری مچ گئی اور بچوں کو خوف سے چیختے ہوئے دیکھا گیا۔واضح رہے کہ گزشتہ ہفتے چین میں تیز رفتار گاڑی نے لوگوں کو کچل دیا تھا جس کے نتیجے میں کم از کم 35 افراد ہلاک جبکہ 43 شدید زخمی ہوئے تھے۔
