دھابیجی (نمائندہ جسارت) مذمت میڈیا گروپ کراچی کی اکیسویں سالگرہ کی تقریب پریس کلب میں منعقد کی گئی۔ تقریب میں ٹاؤن کمیٹی گھارو کے وائس چیئرمین میر بابو پنھور، یوسی دھابیجی کے چیئرمین مٹھا خان بلوچ، معروف شخصیت ملک محمد انوار الحق اعوان، یوسی بھنبھور کے ڈسٹرکٹ کونسل ممبر قاری عبدالسلام تنولی، معروف شخصیت حسن علی لاشاری، ڈی ایف اے ٹھٹھہ کے جنرل سیکرٹری و انجمن تاجران کمیٹی دھابیجی کے صدر حاجی داؤد شاہ خان، پریس کلب کے صدر غلام حسین سومرو، گھارو و دھابیجی کے صحافیوں سمیت علاقہ معزین نے بڑی تعداد میں شرکت کی۔ اس موقع پر سالگرہ کا کیک کاٹا گیا۔
