کراچی (اسپورٹس رپورٹر) زمبابوے نے پاکستان کیخلاف ون ڈے اور ٹی ٹوئنٹی سیریز کے لیے اسکواڈ کا اعلان کر دیا۔ زمبابوے کرکٹ بورڈ نے پاکستان کے خلاف 15،15 رکنی ون ڈے اور ٹی ٹوئنٹی اسکواڈ کا اعلان کیا ہے۔ ون ڈے اسکواڈ کی قیادت ارون کریگ اور ٹی ٹوئنٹی کی قیادت سکندر رضاکریں گے۔ پاکستان ٹیم آسٹریلیا سے براہ راست زمبابوے جائے گی۔گرین شرٹس اور زمبابوے کے درمیان 3 ون ڈے اور3 ٹی ٹوئنٹی میچز کی سیریز کھیلی جائے گی۔ زمبابوے کا پاکستان کیخلاف ون ڈے اور ٹی ٹوئنٹی سیریز کیلئے اسکواڈ کا اعلان کردیا گیا۔ دونوں ٹیموں کے درمیان پہلا ون ڈے میچ 24 نومبر کو بولاوایو میں کھیلا جائیگا جبکہ دوسرا ون ڈے 26 اور آخری میچ 28 نومبر کو ہوگا۔ پاکستان اور زمبابوے کے درمیان پہلا ٹی ٹوئنٹی میچ یکم دسمبر، دوسرا 3 اور آخری ٹی ٹوئنٹی میچ 5 دسمبر کو کھیلاجائیگا۔ سیریز کے تمام میچز بولاوایو میں کھیلے جائیں گے۔
