اسلام آباد (اسپورٹس ڈیسک):گورنر خیبر پختونخوا فیصل کریم کنڈی سے پاکستانی باکسر محمد وسیم المعروف فالکن نے ملاقات کی جس میں پاکستان میں بین الاقوامی لائٹ ویٹ باکسنگ چیمپئن شپ کے انعقاد کے امکانات پر تبادلہ خیال کیا گیا۔ گزشتہ روز یہاں جاری بیان کے مطابق ملاقات کے دوران محمد وسیم جن کا پیشہ ورانہ ریکارڈ 13 فتوحات (جن میں 9 ناک آئوٹ شامل ہیں) نے پاکستان میں ایک عالمی معیار کی باکسنگ ایونٹ کی میزبانی کی خواہش کا اظہار کیا۔ محمد وسیم نے گورنرفیصل کریم کنڈی کی کھیلوں کے فروغ اور علاقائی کھلاڑیوں کی حمایت کے لیے کی جانے والی کاوشوں کی تعریف کی۔
