حسن ابدال (صباح نیوز)حسن ابدال میں بابا گورو نانک کے 555ویں جنم دن کی تقریبات کا آغاز ہوگیا۔بابا گورو نانک کے 555ویں جنم دن کی تقریبات میں شرکت کرنے کے لیے بھارت سے 2ہزار 500سے زائد سکھ یاتری گوردوارہ پنجہ صاحب پہنچ گئے۔ ڈپٹی کمشنر اٹک را عاطف رضا نے ڈسٹرکٹ پولیس آفیسر سردار غیاث گل خان کے ساتھسکھ یاتریوں کا استقبال کیا۔اندرون اور بیرون ملک سے سکھ یاتری جنم دن گرونانک کے سلسلے میں اپنی مذہبی رسومات ادا کرنے لیے گوردوارہ پہنچ گئے ہیں، جن کی محفوظ ماحول میں مذہبی رسومات کی ادائیگی کے لیے سخت سیکورٹی انتظامات کیے گئے۔سکھ برادری نے پرجوش استقبال پر حکومت پاکستان اور انتظامیہ کا شکریہ ادا کیا ۔ اس موقع پر کیے گئے بہترین انتظامات پر انتظامیہ کا شکریہ بھی ادا کیا۔
