بدین (نمائندہ جسارت) سابق رکن قومی اسمبلی ضلع ناظم اور پیپلز پارٹی بدین کے سابق صدر سردار کمال خان چانگ کی بیٹی، رئیس اسد خان چانگ کی بہن کے انتقال پر صدرِ پاکستان آصف علی زرداری کی جانب سے تعزیتی پیغام میں مرحومہ کے انتقال پر رنج وغم کا اظہار کیا گیا ہے۔ پیپلز پارٹی کے مرکزی رہنما سابق وفاقی وزیر سید نوید قمر زمان شاہ، صوبائی وزیر جام خان شورو، معاون خصوصی وزیر اعلیٰ سندھ جبار خان، قاسم نوید قمر زمان، رکن صوبائی اسمبلی یاسمین شاہ، سندھ کے نامور شاعر اور ادیب ڈاکٹر آکاش انصاری، ڈاکٹر عزیز میمن، ڈاکٹر عبدالستار چنہ، ڈاکٹر مسرت حسین خواجہ، اشفاق لغاری، سید جاوید شاہ، نادر حسین، خواجہ منیر احمد رندوا، پریس کلب کے صدر تنویر احمد آرائیں، حیدرآباد یونین آف جرنلسٹس کے سینئر نائب صدر شوکت میمن، سیاسی سماجی شخصیت عبدالستار کھٹی، غلام مرتضیٰ خاصخیلی سمیت دیگر سیاسی، سماجی، کاروباری شخصیات، شہریوں، صحافیوں، مقامی معززین نے گوٹھ سردار محمد یوسف چانگ پہنچ کر سردار کمال خان چانگ سے ان کی بیٹی کے انتقال پر تعزیت اور دُعا کی۔ اس موقع پر رئیس اسد خان چانگ، سردار سلیم خان چانگ، محبوب خان چانگ، پیروز خان چانگ اور دیگر بھی موجود تھے۔
